ШҰҒЫЛ! Темір жол бойындағы қауіпсіздік Толығырақ

Қауіпсіздік шаралары

17:15, 15 шілде 2021

Республикада коронавирустық инфекциямен сырқаттану жағдайы күрделене түсті. Елдің барлық өңірлерінде инфекциямен күрес бойынша жұмыстар белсенді жүргізілуде. Шығыс Қазақстан облысында аймақ басшысы Даниал Ахметовтың қатысуымен күн сайын қалалар мен аудандардың әкімдерімен және COVID-19-ға қарсы күреске тікелей қатысатын басқарма өкілдерімен кеңестер өткізіледі. Кезекті отырыс барысында облыс әкімі негізгі басымдықтарды атап өтті. Өңір басшысы атап өткендей, бүгінгі таңда облыс ауруханаларындағы төсек-орындардың толымдығы 12%-ға жетпейді. Барлық қажетті жабдықтар, техникалық ресурстар, білікті медициналық қызметкерлер бар. Бірақ жағдай кез-келген уақытта өзгеруі мүмкін. Жасыл аймақта қалу үшін, төсек-орын қорын толтыруға жол бермеу үшін барлық санитарлық-эпидемиологиялық нормаларды барынша қатаң сақтау қажет. Өңірде вакцинацияның жоғары қарқыны байқалады. Бірінші компонентті 350 мыңнан аса адам алса, екіншісі - 200 мыңға жетті. Қалалар мен аудандарда стационарлық және жылжымалы егу пункттері жұмыс істейді. 20 шілдеге дейін" СК-Фармация " облысқа вакциналардың қажетті көлемін жеткізеді. Сонымен қатар, аймақ басшысы тұрғындарды вакциналау мәселесіне жауапкершілікпен қарауға шақырды. Коронавирустық инфекцияны, әсіресе аурудың асқынған түрлерін емдеуде иммундық плазманы қолданудың тиімділігі туралы ұмытпаған жөн. Облыс әкімі Шығыс Қазақстан плазманы дайындауды басталған алғашқы өңір болғанын атап өтті. Қазіргі уақытта 4000 доза бар және 2 мыңнан астамы медициналық мекемелерге жіберілді. Өңір басшысы қалалар мен аудандардың әкімдеріне плазма банкі ортайып қалмас үшін әлеуетті донорлардың тізімін жасауды тапсырды.

 

Тақырып бойынша материалдар

Пайдаланылмаған жер кері қайтарылады
13:38, 17 қыркүйек 2021
Пайдаланылмаған жер кері қайтарылады
Толығырақ...

Танымал жаңалықтар