ШҰҒЫЛ! Қайғылы жағдай Толығырақ

«Асыл домбыра» ақындар айтысы

13:31, 2 тамыз 2022

Ақсуат төрін екі күн жырға бөлеген дүбірлі айтыс өтті. Осымен екінші жыл қатарынан өткізіліп жатқан "Асыл домбыра" айтысы өз мәресіне жетіп отыр. Қазылар алқасының көңілінен шығып асыл тастармен көмкерілген домбыраны биыл танымал ақын Ринат Заитов ұтты.

Халықаралық ақындар айтысы қалың елді шулатып, халықтың сөз өнеріне деген шөлін бір қандырды. Сайдың тасындай іріктелген 16 ақын сайыстың басты жүлдесі – «асыл домбыра» үшін бақ сынасты. Бас жүлдені жеңіп алу үшін ақындар кемі 4 рет айтысады. Бұл үлкен қажырлықты талап етеді. Жыр дода­ның басты ерекшелігі айтыскерлердің жұбы жұрт алдында жеребемен анықталып отыр­ды.

Аламан айтыстың «Тұғыры биік –Тарбағатайда» өтуі – өлкенің мәдениетінің биік деңгейде екенін көрсетеді дейді,- Досхан Жолжақсынов.

Он мыңнан астам көрермен тамашалаған айтыстың бас жүлдесі асыл тастармен безендірілген домбыра мен автокөлікті Ринат Зайытов иеленді.

Ал, айтыс сахнасын­да өзіне тән өрнегі бар қызыл­ордалық Мұхтар Ниязовқа  «Асылтас» стипендиясы бұйырды. 

Еліміздегі ең жүйрік деген ақындардың көбі қатысқан бұл дода алдағы уақытта да дәстүрлі түрде жалғасын таппақ.

Тақырып бойынша материалдар

Танымал жаңалықтар