ШҰҒЫЛ! ЖАҢА МҮМКІНДІКТЕР Толығырақ

ЖОЛДАУ ТАЛҚЫЛАНДЫ

15:08, 10 қазан 2018

Облыстық әкімдікте 2018 жылдың 5-қазанында Елбасы Нұрсұлтан Назарбаевтың жұрт назарына ұсынған Жолдауы талқыланды. Халықтың әл-ауқатын өсіріп, табыс пен тұрмыс сапасын арттыруды міндеттеген алты бағыт бойынша жеке-жеке тоқталған облыс әкімі Даниал Ахметов әрқайсысының жүзеге асырылу барысы жайлы айтты.

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              Ел өміріне тікелей қатысы бар маңызды құжатты талқылауға Үржар, Тарбағатай, Аягөз, Шемонаиха, Ұлан, Күршім, Көкпекті, Катонқарағай  аудан әкімдіктері онлайн режимде қосылды. Медицина, жол, көлік-логистикалық кешен, ауыл, өңірлерді абаттандыру, цифрландыру технологиясын жетілдіру, инвестициялық жобаларды жүзеге асыру талқыланды. «Рухани жаңғыру», «7-20-25», «Нұрлы жол», «Нұрлы жер», 2025 жылға дейін ұзартылған «Бизнестің жол картасы – 2020» бағдарламасының жүзеге асырылу барысы егжей-тегжейлі айтылды. Ел Президенті: «Бюджеттік мекемелерде жұмыс істейтін 275 мың қызметкердің еңбекақысы көбейіп, орта есеппен 35 пайызға өседі» деген болатын. Шығыс Қазақстанда бюджеттік құрылымдарда қызмет ететін қызметкердің жалақысы 1,5 есеге өседі.

Индустриалды әрі республикадағы ең ірі өндіріс орталығының бірі болып табылатын облыста  Қытай Халық Республикасымен жан-жақты стратегиялық серіктестік дәйекті түрде дамиды. Бұл орайда Елбасы айтқандай, «Экспортқа бағытталған индустрияландыру мәселесі экономикалық саясаттың негізгі элементі болуға тиіс». Өңірде ет өнімдерін өңдеп, дайындайтын екі инвестициялық жоба іске қосылады. Ендігі ретте облыстың экспортқа бағытталған өнімдерді дайындау потенциалын зерттеп, бақылауға алатын арнайы аналитикалық топ құрылып, жақында өз жұмысын бастайды. Соңғы үш жылда облыс «Бизнестің жол картасы» бағдарламасы бойынша алдыңғы қатарда. Республика ішінде грант беру бойынша 2-ші, ал жаңа бастамаларды қолдап, жобаларды субсидиялаудан бірінші орында тұр. Жыл басынан бері түрлі экономикалық механизмдерді іске қосу нәтижесінде  14,2 мың жұмыс орны ашылды. Соның 10 мыңы тұрақты. Қазіргі уақытта 2,5 млрд теңгеге 43 жоба қаржыландырылған. 2025 жылға дейін 1700 жобаны 15 млрд теңгеге қаржыландыру жоспарланды. Бұл бағыттағы жұмыстар алдағы күні әлі де жалғасады.

 

 

Тақырып бойынша материалдар

 АГРОӨНЕРКӘСІП КЕШЕНІНІҢ ӘЛЕУЕТІН ІСКЕ АСЫРУ
18:09, 17 қазан 2018
АГРОӨНЕРКӘСІП КЕШЕНІНІҢ ӘЛЕУЕТІН ІСКЕ АСЫРУ
Толығырақ...

Танымал жаңалықтар