ШҰҒЫЛ! ЕСІРТКІ САТҚАН БОЙЖЕТКЕН ҰСТАЛДЫ Толығырақ

САЙЛАУ КҮНІ 17 НӘРЕСТЕ ДҮНИЕГЕ КЕЛДІ

17:19, 11 қаңтар 2021

Кешегі сайлау күні Шығыс Қазақстан облыстық «Ана мен бала орталығында» 17 нәресте дүниеге келді. Оның 9 - ы  ұл, 8 - і қыз. Босанған аналардың ішінде ауылдан келгендері де бар. Олар Күршім, Көкпекті, Күршім және Ұлан аудандарының тұрғындары. ШҚО Ана мен бала орталығының бас дәрігері Ермек Омарбековтың айтуынша,  мұнда жылына шамамен 9 мыңға жуық сәби өмірге келеді. Ал бір тәулік ішінде 25 - 30 нәресте дүние есігін ашады. Сайлау күні босанған аналардың ең жасы – 21-де болса, ең үлкені – 38 жаста.  Сондай жанның бірі – Айгүл Мейрамбаева. 3 баланың анасы Күршім ауданынан келген. Еске сала кетейік, кеше елімізде Мәжіліс пен мәслихат депутаттарын сайлау өтті. Бұл күні облыста дүниеге келген сәбилерге ең көп қойылған есімдер - Сайлау, Сайлаугүл, Сайлаубек. Дауыс беруге перзентханада жатқан 200-ден аса жүкті және бұрын босанған әйелдер қатысқан. Дәрігерлер сайлау күні өмір есігін ашқан нәрестелер мен олардың аналарының қазіргі жағдайы жақсы екенін айтты.

Тақырып бойынша материалдар

Танымал жаңалықтар

ӨСКЕМЕН МЕН РИДДЕРДЕ ҚАНДАЙ КӨШЕЛЕР АУЫСТЫРЫЛАДЫ?
17:15, 20 қаңтар 2021
ӨСКЕМЕН МЕН РИДДЕРДЕ ҚАНДАЙ КӨШЕЛЕР АУЫСТЫРЫЛАДЫ?
Толығырақ...