Қазір дәрігерлер, орта және кіші буын медицина қызметкерлерінің жұмысы қызу. Аймақтағы ақ халаттағылар адам өміріне араша түсіп, коронавирус індетімен күресуде барын салуда. Науқастарға тәулік бойы медициналық ем көрсетуде. Біз күні-түні қызмет етіп жатқан мамандармен байланысқа шығуға тырысқан едік. Карантиндік режимде жұмыс істеп жатқан дәрігерлер өз сөздерінде тұрғындарды барлық шектеулерге түсіністікпен қарауға шақырды. Апталап үй бетін көрмеген олар отбасымен қайта қауышуға асық. Өз өмірлерін тәуекелге тіккен осындай абзал жандардың еңбегі ерен.