Білім саласындағы оң өзгерістер

Алдағы үш жылдың ішінде облысымыздағы жоғарғы оқу орындары қажетті қондырғылармен толықтай қамтамасыз етіледі.

21:45, 13 шілде 2017   86

Сонымен бірге, шетелдің білікті мамандары шақыртылып, жергілікті оқытушылармен тәжірибе алмасады. Бұл бағдарлама балаларымыздың барлығы өзге елден ілім іздемей, біздегі білім ордаларында оқуына мүмкіндік тудырмақ. Осы туралы және жалпы білім саласындағы сыбайлас жемқорлықты болдырмау жайында облыстық мәслихаттың кезекті сессиясында айтылды.

«Біздегі жоғарғы оқу орындарындағы білім беру сапасы да жоғары. Тек жақсы білім аламын деп талпынған шәкірт болса болғаны. Оқимын дегендері тек университеттің қабырғасында ғана емес, түрлі кәсіпорындар мен мекемелерде де тәжірибелерін шыңдауда. Бұл болашақта білікті маман болып шығудың бірден-бір кепілі» – деген, облыс әкімі Даниал Ахметов мұнымен ғана шектеліп қалмауды тапсырды. Өңір басшысы, алыс-жақын шетелге оқуға аттанып, алыс сапар шеккенше, жастарымыз жергілікті оқу орындарында білім алуын қадап тапсырды. Айтылғанның барлығы алдағы үш жылдың ішінде атқарылуы тиіс. Облыстық мәслихаттың сессиясында дәл осы білім саласындағы сыбайлас жемқорлықтың жолын кесу жолдары талқыланды.

 

«Қазақстан-Өскемен» телеарнасының ресми сайты

070010, Өскемен қаласы. Стахановская көшесі, 70 үй Байланыс телефондары: 8 (7232) 52-29-24