43 инвестициялық жоба жүзеге асып келеді

Шығыс Қазақстанның аймақтық индустрияландыру картасына 960 млрд. теңгені құрайтын 79 жоба кіреді.

21:38, 8 тамыз 2017   42

Бар жобалар сәтті жүзеге асса, 18 мың тұрақты жұмыс орындары құрылады. Биыл 79 жобаның қайсысы іске асады? Қанша инвестиция тартылып, қанша кісі еңбекпен қамтылмақ? Облыс әкімі Даниал Ахметовтың төрағалығымен өткен аппарат кеңесінде осындай өзекті мәселелер қаралды.

Аймақтың инвестициялық белсенділігі индустрияландыру картасында көрініс табады.  Жылда карта маңызды, даму болашағы жоғары жобалармен толығып тұрады.
Индустрияландыру картасында жоспарланған 79 жоба 2010 жылдан бастап біртіндеп жүзеге асуда. Биыл 400 млрд.теңгелік 9 жоба пайдалануға беріледі деп жоспарланған. 2000 тұрақты жұмыс орны құрылады. Жалпы 2010-2017 жылдар аралығында  агроөнеркәсіп, өндірістік, ауыл шаруашылық, өндеу өнеркәсібі секторында 43 жоба іске асты. 6 мың тұрғын еңбекпен қамтылды. Алайда өңір басшысының бірінші орынбасары Нұрымбет Сақтағановтың айтуынша, аталмыш бағдарлама толықтыруларды талап етеді. Өйткені, кейбір аудандарда бірде-бір жоба қарастырылмаған.

 

«Қазақстан-Өскемен» телеарнасының ресми сайты

070010, Өскемен қаласы. Стахановская көшесі, 70 үй Байланыс телефондары: 8 (7232) 52-29-24