Mal urlığın boldırmaw - bastı mäsele

21:44, 6 qırkuyek 2017

Öñirimizdiñ alıs-alıs awıldı jerlerindegi tört tülikke tınıştıq bolmay-aq qoydı. Tärtip saqşıları buğan köbinese ïeleri kinäli ekenin alğa tartadı.

Jalpı oblıs awmağında mal urlığı tübegeyli tïılmağanımen, bïılğı jılı biraz azayğan. Alayda, keybir awdandar men qalalarda kerisinşe köbeyipti. Oğan sebep, qojayındarınıñ qolındağı qoy men eşkisin, jılqısı men sïırın qarawsız jiberwi eken. Mäselen, jıl basınan bergi 8 aydıñ işinde joğalğan tört tüliktiñ jartısınan köbi dalada emen-erkin jürgen jerlerinen qoldı bolğan.

Tüsindirw jumıstarı degenimiz – awıldağı turğındarmen tikeley kezdesip, mal bağwdı qayta üyretkenmen birdey. Awdandarğa arnayı şıqqan işki ister departamentiniñ qızmetkerleri jergilikti jerdegi xalıqqa qırağı bolwdı qadap eskertwde. Al alañsız jürgen keybir jurt, joğalğan malına izdew salwdı, bir jıl ötken soñ da esterine alatın körinedi.
Sondıqtan da, işki ister organdarınıñ ökilderi joğalğan malın özderi izdep jürip almay, derew xabarlawdı suraydı. Sonda ğana, osı ötkizilip jatqan sansız kezdeswler men jïındar nätïjeli bolmaq. Urlanğan maldıñ tabılwı men urınıñ ustalwına da eldiñ senimi basımıraq bolatını sözsiz.

 

Тақырып бойынша материалдар

Танымал жаңалықтар